Riatdhesohen 109 shtetas shqiptarë që kishin kërkuar azil në Francë

19:31 | 24 Korrik 2020
Arbresh.info

Vijojnë operacionet e riatdhesimit vullnetar të shtetasve që kanë kërkuar azil në një nga vendet e hapësirës Schengen.

Gjatë këtij operacioni janë riatdhesuar 109 shtetas shqiptarë, që kishin kërkuar azil në Francë, të cilëve iu ishte refuzuar dhënia e azilit dhe për këtë arsye ata kanë kërkuar që të kthehen vullnetarisht në Shqipëri.

Operacioni vullnetar i radhës u krye me charter nga Lyon, Francë. Dy ditë më parë u riatdhesuan vullnetarisht nga Franca edhe 110 shtetas të tjerë, të cilëve gjithashtu iu ishte refuzuar dhënia e azilit.

Ministria e Brendshme dhe Policia e Shtetit apelojnë për të gjithë shtetasit shqiptarë se shanset për të fituar azil në vendet e BE-së janë zero dhe në këtë kontekst çdo shtetas shqiptar duhet të respektojë me rigorozitet rregullat e lëvizjes dhe të qëndrimit në hapësirën Schengen./tch

Shpërndaje në rrjete sociale

Lajmet më të lexuara

Të ngjashme

Foto lajm